Zainulabedeen Zulqrooh

کاش میں یارو فلسطین کا باسی ہوتا

ورنہ اس شہرِ مقدس کی میں ماٹی ہوتا

یا تو میں مسجدِ اقصیٰ کا منارا ہوتا

یا اسی پیاری سی مسجد کی میں جالی ہوتا

یا تو میں قبلۂ اول کا احاطہ ہوتا

یا میں پھر اُس میں بنی ایک اٹاری ہوتا

یا فلسطین کے پربت کا میں پتھر ہوتا

یا اسی کوہ کی چھوٹی سی میں وادی ہوتا

یا فلسطین میں گرتی ہوئی بارش ہوتا

یا اسی شہر کے دریا کا میں پانی ہوتا

یا تو میں روزضۂ اقدس کا محافظ ہوتا

یا فلسطین کی سرحد کا میں غازی ہوتا

یا فلسطین کا میں زینؔ شرابی ہوتا

یا فلسطین کے مے خانے کا ساقی ہوتا

زین العابدین ذوالقروح